旅遊攻略 - 名古屋 (美食篇)
日本多好野食就人盡皆知咖啦！魚生拉麵去到日本絕對唔小得啦！不過今次我地就反傳統，完全無魚生拉麵既介紹！取而代之，我地今次介紹地道日本人好鐘意去既餐廳！第一集，我地首先介紹名古屋既名物。。。手羽先！即係我地講既，雞翼！
今次我地介紹呢間居酒屋係位於名古屋站附近，交通非常方便！入到去你會發現自己俾大量日本字包圍，中英文menu都欠奉，不過好彩有圖，咁都仲叫到野既！呢間餐廳既必食推介就當然係雞翼啦！配埋啤酒就簡直係無得輸！名古屋既雞翼好食在佢個調味！呢間既香料好豐富，有小小似椒鹽味，不過就無左果種令人口乾既味道，好適合一眾重口味人士！
另外個牛筋都係必食之選！名古屋既味噌亦都係非常出名！個牛筋係用味噌煮，煮得好入味。個味噌既味道偏向甜，不過就略嫌咸左小小！不過配落個牛筋度真係好夾！
個炸豬扒都係必食之選！豬扒好質都幾爽，而且配合個味噌醬真係好香！可能因為個醬偏向甜味，所以抵消左炸豬扒肥膩既感覺！
酒方面，提議大家除左啤酒之外可以試下呢度既High Ball, 佢用日本威士忌，而且濃度好適中咖！
鶴八居酒屋 名古屋駅前本店
JR名古屋駅西口 轉左50米
Search